• التاريخ الأسود لـ احمد شفيق .. انشرها بقدر كرهك للفساد
  • التاريخ الاسود لـ احمد شوبير .. انشرها وافضح هذا المنافق
  •  التاريخ الأسود لـ عمر سليمان " العقرب السام ".. انشرها بقدر كرهك للخونة والمفسدين ""
  •  التاريخ الأسود لـ مرتضى منصور " تاريخ من النفاق والفساد " انشرها وافضح هذا الفاسد 2012
  • التاريخ الأسود للمستشار احمد الزند " راعى التوريث فى القضاء "

لو عايز اى سبب للنزول .. اتفضل .. انا نازل يوم 25 يناير 2012

19‏/01‏/2012 التسميات:
لو مش عاجبك البرادعي ومش مقتنع بكلامه بان النظام زي مهو .

ولا يهمك عندك حازم صلاح محدش يختلف على دينه واهدافه النبيله وبردو رأيه اننا نزل ٢٥ عشان نسترجع مسار ثورتنا .

شايف ان حازم صلاح متهور .

ولا يهمك

ركز مع العاقل الرزيين ابو الفتوح بردو راجل من المحافظيين الاسلاميين ورأيه ان الثورة اتسرقت وان العسكر بيحاولوا يعيدوا انتاج النظام القديم وانهم لازم يسلموا السلطة فورا .

مش راكب معاك ابو الفتوح ودا راجل انشق عن الاخوان وخالف راي الجماعة .


حامدين .. ياريس اكيد هيعجبك راجل طول عمره بيقول لا لنظام مبارك واتحبس كتير واتعذب كتير يعني راجل زي مبيقولوا واحد مننا شرب المر زينا ، ورأيه ان الثورة بتضيع ولازم ننزل نلحقها ..


مش عاجبك كل دول !!


لانك راجل سلفي .

يااااه طلبك عندي ( سلفيو كوستا شباب زي العسل - الجبهة السلفية - ائتلاف دعم المسلميين الجدد - جماعة الافراج عن المعتقليين الاسلاميين - جماعة الحرية لعمر عبد الرحمن ) اظن كوكتيل لا خلاف عليه شباب ثوري مسلم متديين محترم وعلى فكرة كانوا مشاركيين في اعتصام مجلس الوزراء اللي قالولك عليه ان اللي فيه بيشربوا حشيش .
ومنهم ناس اتصابت في محمد محمود كتيييير .

بردوا لسه مش لاقي التييب بتاعك وملكش في الدقون .


ياريس ولا يهمك لسه بدري

في عندك حركة كفاية وحركة ٦ابريل و حركة لا للمحاكمات العسكرية وحركة كاذبون وظباط ولكن شرفاء مجموعة كلنا خالد سعيد شباب ثوري بيتصدى للفساد من ايام مبارك وهما اللي نظموا خروج ثورة ٢٥ يناير واشتغلوا في عز الخطر وضحوا بحاجات كتير عشانا .

ملكش في الحركات عشان منهم شباب بيطول شعره وبنات بتلبس عبايات بكباسيين وكده .


ياسيدي مش هقف معاك في اي حاجة حتى لو كلامك غلط وواخده من تلفزيون النظام الفاسد . مهو الاعلام لسه اعلام مبارك .


بسيطة اكيد في اصحابك كتير حاسسين بالظلم والقهر والمرض اللي بينخر في عضم البلد ومن رأيهم ان النظام الفاسد مستمر وان تسليم السلطة بطريقة العسكر معناه سلطة منقوصة ممكن ترجعنا في اي وقت لعصر الاستبداد .

وان مش معقول شلة حرامية نحبس نصهم والنص التاني هو اللي يحاكمهم .

مهو بردوا الموضوع واضح زي الشمس يا حاج مش هتخيل على حد دي .... بتقول ايه بردوا مش نازل ومش مقتنع ....

اااه لا يبقى عليك وعلى العباسية ناويين يوزعوا هناك بمب وشخاليل . شكلك كده بتموت في الشخاليل :)





0 التعليقات:

لقائى مع قناة PRESS TV

 
الناشط احمد عدلى " مكملين " © 2010 | تعريب وتطوير : سما بلوجر | Designed by Blogger Hacks | Blogger Template by ColorizeTemplates